கணக்கு பிரிவு

1987 ஆம் ஆண்டு 15 ஆம் இலக்க பிரதேச சபைகள் சட்டத்தின் 168 ஆம் பிரிவின் கீழ் சனவரி 1 ஆம் திகதி முதல் டிசம்பர் 31 ஆம் திகதி வரையில் உள்ளூராட்சி நிறுவனத்தின் வருடாந்த வரவு செலவு திட்டத்தினை தயாரிப்பதற்கான ஒழுங்கு விதியானது உள்ளடங்கியுள்ளது

உள்ளூராட்சி நிறுவனங்களினால் வரவு செலவுத் திட்டத்தினை தயாரிக்கும் போது பிரதானமாக கீழ் குறிப்பிடப்பட்ட வேலைத்திட்டங்கள் இடம் பெறல் வேண்டும்.

1. பொது நிர்வாகம்
2. சுகாதாரச் சேவை
3. தெருக்கள் மற்றும் வீதிகள், காணிகள் மற்றும் கட்டிடங்கள் போன்ற பௌதீக வளங்களை திட்டமிடல்
4. நீர் சேவைகள்
5. வேறு பயன்பாட்டுச் சேவைகள்
6. நலன்புரிச் சேவைகள்

மேல் குறிப்பிடப்பட்ட ஒவ்வொரு வேலைத்திட்டங்களின் பிரகாரம் செலவீனங்களானது பின்வரும் முக்கிய செலவீனத் தலைப்புகளின் கீழ் வகைப்படுத்தப்படுகின்றன.

1. சம்பளம் மற்றும் கொடுப்பனவுகள்
2. பயண செலவீனங்கள்
3. பொருட்கள் மற்றும் உபகரணங்கள்
4. மூலதனச் சொத்துக்களைப் பழுதுப் பார்த்தல் மற்றும் பராமரித்தல்
5. போக்குவரத்து சேவைகள் அத்தியாவசியமானவை மற்றும் வேறு
6. வட்டி செலுத்துகையில் அதன் பங்கு இலாபம் மற்றும் உதவித்தொகை
7. நிதியுதவி, அங்கத்துவ நிதி மற்றும் நிவாரண நிதி
8. ஓய்வூதியங்கள், ஓய்வூதிய நன்மைகள் மற்றும் பணிக்கொடைகள்
9. மூலதனச் செலவீனங்கள்
10. கடனை மீளச் செலுத்துதல்

உள்ளூராட்சி நிறுவமானது தன்னிச்சையாக இயங்கும் ஓர் நிறுவனம் ஆகும். கட்டளைச் சட்டங்கள் மற்றும் சட்டங்களினால் வழங்கப்பட்டுள்ள அதிகாரங்களின் பிரகாரம் பிரதேச சபையின் நிதியினை எவ் விடயத்தின் கீழ் முதலீடு செய்வது தொடர்பாக தெளிவான விளக்கங்கள் குறிப்பிடப்பட்ட சட்டங்களில் வழங்கப்பட்டுள்ளன.

அதேப்போல் உள்ளூராட்சி நிறுவனங்களுக்கென தனித்துவமான கணக்கு முறைமை ஒன்று இதற்காக அறிமுகப்படுத்தப்பட்டுள்ளது. இதன் மூலம் பிரதேச சபையின் கணக்கிற்கு கிடைக்கப் பெறும் நிதியானது சரியான முறையில் கணக்கில் பதியப்படுதல் மற்றும் அவ் நிதியானது குறித்துரைக்கப்பட்ட செலவீனங்களுக்காக மாத்திரம் செலவிடப்படுகின்றதா என்பதினை உறுதி செய்து கொள்வதற்கு இயலுமானதாக உள்ளன.

உள்ளூராட்சி நிறுவனங்களில் நடைமுறைப்படுத்தப்படும் கணக்கு முறையமையின் விசேட பண்பாவது, ஜனவரி மாதம் 01 ஆந் திகதி தொடக்கம் டிசம்பர் மாதம் 31 ஆந் திகதி வரையில் ஓர் வருடத்திற்கு கிடைக்கப் பெற்ற நிதியின் அடிப்படையில் பெறுதல் மற்றும் செலவீனங்கள் பதியப்படுவதுடன் வருட இறுதியில் (காலாண்டு இறுதியிலும் செய்ய முடியும்) கணக்கினை தயாரிக்கும் போது நிதி திரட்டலின் அடிப்படையில் குறிப்பிடப்பட்ட வரவுகள் வருமானமாகவும் பணம் மீளச் செலுத்துதல் செலவீனமாகவும் கணக்கெடுக்கப்படுகின்றன. வருட இறுதியில் மேலும் குறிப்பிடப்பட்ட ஆண்டிறுதி கணக்கில் யாதேனும் வருமானம் அறவிடப்பட வேண்டி இருப்பின், நிலுவையிலுள்ள வருமானமானது கடன்பட்டோர் என்ற அடிப்படையிலும் வருட இறுதியில் அதன் பெறுமதியானது கடன் கொடுப்போர் கீழ் செலவு வைக்கப்படும். வருடத்திற்குரிய வருமானம் மற்றும் செலவீனம் கணக்கிடப்பட்டு மேலதிகமாக அல்லது பற்றாக்குறையாக யாதேனும் இருந்தால் அதனை திரட்டப்பட்ட நிதிக்கு மாற்றுவதன் மூலம் கணக்குகள் தீர்க்கப்படும்.

இப் பணியினை பூர்த்தி செய்வதற்கு உள்ளூராட்சி நிறுவனங்களான மாநகர சபை, நகர சபை, சிறுநகர சபை மற்றும் கிராம சபை போன்றவற்றில் சீரான ஒரே விதமான கணக்கு முறைமை பயன்படுத்தப்படவில்லை. ஒவ்வொரு உள்ளூராட்சி நிறுவனங்களுக்கும் ஒழுங்கு விதிகள் மற்றும் நிதி கட்டுப்பாட்டு முறைமை உள்ளடக்கப்பட்டு இருப்பினும் நிதி முகாமைத்துவம் தொடர்பாக தெளிவான ஒழுங்கு விதி கோவைகள் இருக்கவில்லை. இவ்வாறு நடைமுறையில் இருந்த பல்வேறு விதமான கணக்கு முறைக்கு பதிலாக ஒரே பண்பினை கொண்ட கணக்கு முறைமை ஆனது 1974 ஆம் ஆண்டு ஜனவரி மாதம் 25 ஆம் திகதி இலக்கம் 96 இனை வகைக்கும் வர்த்தமானி அறிவித்தலின் ஊடாக வரவு செலவு வேலைதிட்ட கணக்கு முறைக்கு தொடர்புடையவாறு கணக்கியல் முறைமை ஒன்று அறிமுகப்படுத்தப்பட்டதுடன் அது “விக்ரமநாயக கணக்கு முறை” என்று அழைக்கப்பட்டது. மேலும் இக் கணக்கு முறைமையானது இரட்டை பதிவு கணக்கு முறையினை அடிப்படையாகக் கொண்டமைந்துள்ளதுடன் அதற்கு பொருத்தமான மாதிரிகள் மற்றும் ஆவணங்கள் அறிமுகப்படுத்தப்பட்டுள்ளன. இவ் ஆவணங்கள் சுயமாகவே கணக்கினை சமநிலைப் படுத்தப்படும் கணக்கு ஆவணமாக பெயரிடப்பட்டுள்ளது.

இப் சுய சமநிலை கணக்காவணமானது (பற்றுச்சீட்டு) பில் செய்வதற்கும் மற்றும் பெறுதலினை உள்ளீடுச் செய்வதற்கும் செங்குத்தாக மற்றும் கிடைப்பக்கமாக சமநிலைப்படுத்தப்படும் ஆவணமாகும்.

மாநகர சபை மற்றும் நகர சபைகளில் விக்கிரமநாயக கணக்கு முறைமை அறிமுகப்படுத்தப்பட்டதிலிருந்து இறுதி கணக்கினை அடுத்த ஆண்டின் மார்ச் மாதம் 31 ஆம் திகதி அல்லது அதற்கு முன் தீர்க்கப்பட்டு கணக்காய்வாளருக்கு சமர்ப்பிக்கப்பட வேண்டும் என்று குறிப்பிடப்பட்டிருப்பினும் அது  ஒழுங்கு விதியாக நடைமுறைப்படுத்தப்படவில்லை.. பிரதேச சபைகள் தொடர்பாக 1989 ஆம் ஆண்டு ஏப்ரல் மாதம் 17 ஆந் திகதி இலக்கம் 554/4 இன் ஊடாக IV (ஆ)  பகுதியில் உள்ளூராட்சி நிறுவனங்கள் தொடர்புடைய அதிவிசேட வர்த்தமானி அறிவித்தலின் முதலாவது ஒழுங்கு விதியின் பிரகாரம் 168(1) ஆம் ஒழுங்கு விதியின் கீழ் இறுதிக் கணக்கினை அடுத்த வருடம் மார்ச் 31 ஆந் திகதி அல்லது அதற்கு முன்பாக தீர்க்கப்பட்டு கணக்காய்வாளருக்கு அனுப்புதல் வேண்டும்.

நிதித் தொகையின் மீதியை உறுதிப்படுத்துவதற்கு சாட்சியாக வங்கியின் வங்கி கணக்கிணக்க கூற்றினைச் சமர்ப்பித்தல் வேண்டும். இறுதி கணக்கு கூற்றுகளின் பிரதிகளை உள்ளூராட்சி ஆணையாளர் மற்றும் உள்ளூராட்சி உதவி ஆணையாளருக்கு அனுப்புதல் வேண்டும்.

திட்டமிடல்

பொதுச் சபை மற்றும் நிதி குழுவானது 1988 ஆம் ஆண்டு பிரதேச சபைகளின் 178 ஆம் ஒழுங்கு விதிகள் பிரகாரம் விலைமனுக் கோரும் (டென்டர்) நடவடிக்கைகளை மேற்கொள்கின்றன.

1988 ஆம் ஆண்டு பிரதேச சபைகளின் 178 ஆம் ஒழுங்கு விதிகள் மற்றும் இலங்கை ஜனநாயக சோசலிச குடியரசின் 2006 திட்டமிடல் வழிகாட்டல் கோவை மற்றும் 2006 ஆம் ஆண்டின் திட்டமிடல் பணி கோவை ஆகியவற்றின் விதிமுறைகள் மற்றும் அறிவுறுத்தல்கள் பின்பற்றப்படுகின்றன.

பிரதேச சபையின் யாதேனும் வருடத்திற்காக தயாரிக்கப்பட்ட வரவு செலவு திட்ட ஆவணத்தில் எதிர்பார்க்கப்பட்ட நிதியானது எல்லை வரம்பினை மீறும் போது அல்லது நிதி ஒதுக்கப்படாத வருமான தலைப்பிற்கு அல்லது செலவீன தலைப்புக்காக குறை ஒதுக்கீட்டு வரவு செலவுத் திட்ட மதிப்பீட்டினை தயாரித்தல் வேண்டும். அவ் குறை ஒதுக்கீட்டு வரவு செலவுத் திட்ட மதிப்பீட்டினை தயாரித்ததன் பின், பொது சபைக்கு இது தொடர்பாக முன்மொழிவினை சமர்ப்பித்து அனுமதியினைப் பெறல் வேண்டும். அதன்பின் அதனை வருடாந்த வரவு செலவு திட்டத்திற்கு உள்ளடக்குதல் வேண்டும்

நிறுவனத்தின் நிதி கணக்கின் மீதியினை மீள்திருத்தம் செய்ததன் பின் வங்கிக் கணக்கிணக்க கூற்று தயாரிக்கப்படும். அதன் பிறகு வங்கியினால் அனுப்பப்படும் கூற்றின் மிகுதி அக்கால பகுதியில் வங்கிக்கு சமர்ப்பிக்கப்படாத காசோலைகளுக்கான பெறுமதிகளினால் குறைக்கப்படல் வேண்டும்.

வங்கியினால் கொடுக்கல் வாங்கல் அறிக்கையினை அனுப்பும் போது அதில் இருக்கும் பிழைகள் மற்றும் குறைபாடுகளை சரியான முறையில் சரிப்படுத்தல் மற்றும் நிவர்த்திச் செய்தல் வேண்டும்.

மேலும் காசு கையிருப்பு தொகை எனில் அதனை வங்கி கூற்றின் மிகுதிக்கு சேர்த்தல் வேண்டும்.

இவ்வாறு சரி பிழை பார்த்து பிறகு தயாரிக்கப்படும் வங்கி கணக்கிணக்க கூற்றானது ஒவ்வொரு மாதமும் பத்தாம் திகதிக்கு முன்னர் கணக்காய்வு செய்வதற்காக கணக்காய்வாளர் மற்றும் உள்ளூராட்சி உதவி ஆணையாளருக்கு அனுப்புதல் வேண்டும். மேலதிகமாக நிறுவனத்தினால் வழங்கப்படும் காசோலைகளானது ஆறு மாதங்கள் வரையில் வங்கியில் சமர்ப்பிக்கப்படாவிடின் நிதி பிரமாண குறிப்பின் 394 ஆம் பிரிவின் பிரகாரம் வருமானத்தில் சேர்க்கப்படல் வேண்டும்

1. மீள்திருத்தம் செய்ய வேண்டிய கட்டணம் தொடர்பாக தகவல்களை விடயத்திற்கு பொறுப்பான உத்தியோகத்தரிடம் பெற்றுக் கொள்ளல் வேண்டும். (செப்டம்பர் மாதத்தின் ஆரம்ப வாரம்)
2. தகவல்களைப் பெற்றவுடன் அது தொடர்பான முன்மொழிவுகளை நிதி குழுவிற்கு சமர்ப்பித்தல். (செப்டம்பர் மாதம் இறுதி வாரம்)
3. நிதி குழுவினால் அங்கீகாரம் கிடைக்கப் பெற்றவுடன் முகாமைத்துவ குழு மற்றும் பொது சபைக்கு சமர்ப்பித்து உரிய கட்டணம் மற்றும் மீள்திருத்தம் தொடர்பாக அங்கீகாரத்தினை பெற்றுக் கொள்ளல். (அக்டோபர் மாதம் ஆரம்ப வாரம்)
4. அங்கீகாரம் கிடைக்கப் பெற்ற முன்மொழிவுகளை சிங்களம், தமிழ் மற்றும் ஆங்கிலம் ஆகிய மும்மொழிகளில் வெளியிடுவதற்காக மொழிபெயர்ப்புச் செய்தல் (அக்டோபர் மாதம்)
5. மும்மொழிகளிலும் தயாரிக்கப்பட்ட வர்த்தமானி அறிவித்தலினை அரச வர்த்தமானி பத்திரிகையில் வெளியிடுவதற்காக அரசாங்க அச்சகத்துக்கு அனுப்புதல். (நவம்பர் மாதம்)

(இவ் வருடத்திற்கு உரிய வர்த்தமானி பத்திரிக்கை PDF வடிவில் வழங்கப்படும்.)

வர்த்தமானி பத்திரிக்கையின் திகதி மற்றும் இலக்கம் -2363 – 2023/12/15

வழங்குனர்களைப் பதிவுச் செய்தல்

வரி மற்றும் கட்டணத்தினைப் பதிவுச் செய்தல்

• வெட் வரி
• முத்திரை கட்டணம்

நடைமுறைகளை தயாரித்தல்

• குறித்துரைக்கப்பட்டவாறு பரிசீலனை செய்து அங்கீகாரத்துடனான சம்பள உயர்வு மற்றும் நிலுவைத் தொகையின் விபரங்களைப் பெறல்.
• நிறுவனத்தினால் பெறப்பட்ட பணத் தொகைக்கான (நலன்புரிகள், பண்டிகை முற்கொடுப்பனவு, விசேட முற்கொடுப்பனவு, அனர்த்த கடன்கள்) அங்கீகாரத்தின் அடிப்படையில் ஆவணப்படுத்தல்.
• வேறு நிறுவனங்களில் இருந்து பெறப்படும் பணத் தொகை, வங்கி கடன் தவணைகள் மற்றும் சொத்துக்கடன்கள் தொடர்பாக அங்கீகாரத்தின் அடிப்படையில் ஆவணப்படுத்தல்.
• மகப்பேறு விடுமுறை மற்றும் சம்பளமற்ற விடுமுறைகளை கணக்கெடுக்கப்பட்டு பரிசீலனை செய்து அனுமதியினை பெற்றுக் கொள்ளல்.
• சம்பளத்தில் சேர்க்க வேண்டிய தொகை மற்றும் குறைக்க வேண்டிய தொகை என்பவற்றை சரியான முறையில் சம்பள பட்டியலுக்கு உள்ளடக்குதல்.
• சம்பள பட்டியலினைத் தயாரிப்பதற்காக உரிய மென்பொருளினை அணுகுதல்.
• கணினியின் திகதியினை முன்னைய மாதத்திற்கு அமையுமாறு திருத்தத்தினை மேற்கொள்ளல்.
• GPS செயல்முறையின் ஊடாக சென்ற மாத இறுதி செயல்முறையினை நடாத்துதல். (month end process)
• கணனியின் திகதியினை மீள்திருத்தம் செய்தல்.
• சம்பள சுருக்கத்தினை சரிப்பார்த்தல் மற்றும் உறுதிச் செய்ததன் பிறகு உரிய தகவல்களை உள்ளீடுச் செய்தல்.
• சம்பளப் பட்டியல் மற்றும் சம்பள பற்றுச்சீட்டினை பரிசீலனை செய்தல் மற்றும் தவறுகள் காணப்படின் திருத்தத்தினை மேற்கொள்ளுதல்.
• தகவல்க்ளை அச்சிட்டுப் பெற்றுக் கொள்ளல்.
• சம்பளப் பட்டியல் மற்றும் சம்பள பற்றுச்சீட்டினை பதவி நிலை உத்தியோகத்தர் ஒருவர் ஊடாக பரிசீலனை செய்தல்.
• சம்பளத்தினை செலுத்துவதற்கான வவுச்சரினைத் தயாரித்தல், பரிசீலனை செய்தல் மற்றும் அனுமதியினைப் பெற்றுக் கொள்ளல்.
• கணக்கு சுருக்கத்தின் அடிப்படையில் நிதி புத்தகத்தில் தகவல்களை உள்ளீடு செய்வதோடு காசோலைகளை எழுதுதல்.
• குறித்துரைக்கப்பட்ட ​கணக்கு சுருக்கத்துடன் காசோலைகளை கையொப்பத்திற்கு அனுப்புதல்.
• பெறப்பட்ட காசோலையினை வங்கியில் பைப்பிலிடுவதற்காக பெறப்பட்ட காசோலை பட்டியலோடு பொறுப்பளித்தல்.
• கிடைக்கப் பெற்ற வேறு காசோலைகளை உரிய நிறுவனங்களுக்கு பதிவுத் தபாலின் ஊடாக அனுப்புதல்.
• சம்பள பற்றுச்சீட்டினை கையொப்பமிடல் மற்றும் அதனை பகிர்ந்தளித்தல்.

சம்பளத்தினை தயாரிப்பதற்காக உசாத்துணையாகக் கொள்ளப்படும்

சுற்றறிக்கைகள்

• அரச நிர்வாக சுற்றறிக்கைகள் 04/2010
• அரச நிதி சுற்றறிக்கைகள் 225/2012
• அரச நிர்வாக சுற்றறிக்கைகள் 03/2022
• மாகாண திறைசேரி சுற்றறிக்கைகள் 03/2022(1)
• அரச நிதி சுற்றறிக்கைகள் 234/2013
• அரச நிர்வாக சுற்றறிக்கைகள் 03/2024