எங்களை பற்றி

வரலாற்று சிறப்புமிக்க மாத்தளை மாவட்டமானது 61.3 சதுர கிலோமீட்டர் பரப்பளவிலான விஸ்தீரணத்தைக் கொண்டமைந்துள்ளதுடன் அண்ணளவாக 66,000 மக்கள் அடர்த்தி மற்றும் 42 கிராம உத்தியோகத்தர்கள் பிரிவுகளை உள்ளடக்கி, 1987 ஆம் ஆண்டு 15 ஆம் இலக்க பிரதேச சபைகள் சட்டத்தினால் இவ் மாத்தளை பிரதேச சபையானது ஸ்தாபிக்கப்பட்டது. மிக துரிதமாக சனத்தொகை வளர்ச்சியடைவதுப் போல் அபிவிருத்தி அடைந்து வரும் உள்ளூராட்சி நிர்வாக எல்லைக்குட்பட்ட பிரதேசமாக அறிமுகப்படுத்த கூடியதாக உள்ளது.

பண்டுகாபய மன்னன் அரசாட்சி காலம் தொட்டு பிரதேச வாரியான ஆட்சியின் உபாயங்கள் மற்றும் கிராம சபை, நகர சபை ஆட்சிகளை தாண்டி தற்போது மாநகர சபை, நகர சபை மற்றும் பிரதேச சபை என முறையாக சிறந்த மாற்றங்களுக்கு உட்பட்டு அரச மற்றும் அரசியல் ஆகிய பிரிவுகள் இரண்டையும் கலந்ததொரு அரச நிறுவனமாக பிரதேச சபையினை கருதலாம். ஓர் தாயின் கருத்தரித்தல் தொடக்கம் மரண படுக்கை வரையிலான மனிதனின் பல்வேறுப்பட்ட தேவைகளை நிறைவேற்றிக் கொள்ளும் பொருட்டு, கீழ் மட்ட மக்களின் பங்களிப்புடன் செயற்படுத்தப்பட்டு வரும் அரச நிறுவனமாக உள்ளூராட்சி நிறுவனம் விளங்குகின்றது. பிரதேச சபையின் நிர்வாக எல்லைக்குட்பட்டு இயங்கும் உள்ளூராட்சி நிறுவனமானது பொறுப்புக்கள் நிறைந்த பாரிய கருமங்களை நிறைவேற்றுவதோடு, நிர்வாக எல்லைக்குட்பட்டு வாழும் பொதுமக்களின் சுகாதாரம், பொது பயன்பாட்​டு சேவைகள்,  வீதிகள்/ தெருக்கள் உள்ளடங்கிய உட்கட்டமைப்பு வசதிகளை பாதுகாத்தல் மற்றும் மேம்படுத்தல், ஒழுங்குபடுத்தல் மற்றும்  நிர்வாகத்தினை சிறப்பாகவும் வினைத்திறனாகவும் நடாத்த  பொதுமக்களுக்கான பொது சேவைகளை நிறைவேற்றுவதற்காக உள்ளூராட்சி நிறுவனத்திற்கு கட்டளைச் சட்டங்கள் மூலம் அதிகாரங்கள் மற்றும் பொறுப்புக்கள் வழங்கப்பட்டுள்ளன.

இத்தகைய சேவைகளை சரியான முறையில் நடைமுறைபடுத்துவதற்காக வருடாந்த வருவாய்களை திரட்டுதல், துணை விதிகளை உருவாக்குதல், அரசியலமைப்புக்கு உட்பட்ட நிறுவனம் என்ற ரீதியில் சட்டத்திட்டங்களை அமுல்படுத்துதல், கட்டளைச் சட்டங்கள் மற்றும் தற்போது அமுல்படுத்தப்பட்டுள்ள சட்டங்களின் ஊடாக வழங்கப்பட்டுள்ள அதிகாரங்களை சரியான முறையில் செயல்படுத்துவதன் மூலம் திருப்திகரமான மக்களை உருவாக்குவதற்கு மாத்தளை பிரதேச சபை ஆகிய நாம் அர்ப்பணிப்போடு செயற்பட்டு வருகின்றோம். இதனூடாக இதுவரையில் மாத்தளை மாவட்டத்தின் உள்ளூராட்சி நிறுவனங்களுக்கிடையில் தொடர்ச்சியாக 8 முதல் 10 வருட காலமாக செயவாற்றுகையில் முதலாம் இடத்தினையும் மத்திய மாகாணத்தின் சிறந்த உள்ளூராட்சி நிறுவனமாக மாத்தளை பிரதேச சபை தனக்கென ஓர் இடத்தினைப் பெற்றுள்ளது.

​மாத்தளை பிரதேச சபையினால் வழங்கப்படுகின்ற சேவைகளை பெற்றுக் கொள்வதற்கு அலுவலகத்திற்கு சமூகமளிப்பதற்கு பதிலாக e – தொழில்நுட்பத்தின் ஊடாக அவசியமான சகல சேவைகளையும் தமது வீட்டிலிருந்தே பெற்றுக் கொள்வதற்கு பிரதேச சபையானது, வேலைத்திட்டம் ஒன்றினை​ தற்போது ஆரம்பித்துள்ளது. இதனூடாக பொதுமக்களின் மனிதவலு, பணம் மற்றும் நேரம் ஆகியன மீதப்படுத்தபடுவதுடன் துரிதமாக செய்வேனே சேவையினை வழங்குவதற்கு இலகுவானதாக இருக்கும். பொது மக்களுக்கு மிகவும் நேயமான அரச நிறுவனம் என்ற வகையில் நாம் நிகழ்கால மற்றும் எதிர்கால சந்ததியினரின் நலன் கருதி அனைத்து வகையான பிரிவுகளிலும் நீண்ட நிலையான அபிவிருத்தியினூடாக சிறந்து ஸ்தீரத்தன்மையினை அடைவதற்கு மாத்தளை பிரதேச சபையின் பிரதிநிதித்துவத்தை வழங்குகின்ற அரசியல் தலைவர்கள் மற்றும் நிர்வாக தலைவர் என்று ரீதியில் என்னுடன் எனது முழு பதவியினரும் எல்லா விதத்திலும் அர்பணிப்புடன் நடவடிக்கைகளை மேற்கொள்கின்றார்கள் என்பதினை மிகவும் மகிழ்ச்சியுடன் தெரிவித்துக் கொள்கின்றேன்.

உள்ளூராட்சி நிறுவனங்களின் ஊடாக பொதுமக்களுக்கு நிறைவேற்ற வேண்டிய சகல கருமங்களையும் சரியான முறையில் மற்றும் வினைத்திறனாக நிறைவேற்றி எதிர்வரும் இரண்டு அல்லது மூன்று வருடங்களுக்குள் நாட்டின் சிறந்த உள்ளூராட்சி நிறுவனமாக பரிமானமடைவதே எமது நோக்கமாகும்.

மாத்தளை பிரதேச சபையினால் வழங்கப்படும் யாதேனும் சேவையினை பெற்றுக் கொள்வதற்காக நாடிவரும் பொது மக்களின் சுகாதாரம் மற்றும் உட்கட்டமைப்பு வசதிகளுடனான சூழலை பொதுமக்களுக்கு வழங்குவதற்காக என்னுடன் எமது பணிக்குழுவினரும் இணைந்து அர்ப்பணிப்புடன் செயற்பட்டு வருகின்றனர். இவ் சேவையானது திறம் பட நடைப்பெற சேவை நாடுனர் ஆகிய தங்களின் ஆலோசனைகள், முன்மொழிவுகள் மற்றும் முறைப்பாடுகள் ஆகியவற்றினை சமர்ப்பித்தும் எம்முடன் பயணிக்க தங்களை கௌரவத்துடன் அழைக்கின்றேன்.