සංවර්ධන අංශය

1987 අංක 15 දරන ප්‍රාදේශීය සභා පනතට අනුව ප්‍රදේශයේ පවතින ගැටලු හදුනාගනිමින් එහි ප්‍රමුඛතාවය පදනම් කර ගනිමින් විසදුම් ලබා දිම සදහා අවශ්‍ය ක්‍රියාමාර්ග ගැනීම සිදු කල යුතුය. මේ සදහා ප්‍රදේශයට අදාලව සංවර්ධන සැලැස්ම හා සංවර්ධන ව්‍යාපෘති  අවශ්‍යතාවය ඉතා වැදගත්වේ. සංවර්ධන සැලැස්මක් මගින් ප්‍රදේශයේ සියලුම භෞතික, ආර්ථික, සමාජීය හා පාරසරික සාධක විශ්ලේෂණය කිරීම මගින් නිගමනවලට එළඹෙන අතර ඒ සදහා තාත්වික  විසදුම් ලබා දීමට හැකියාව ඇත.

ඒ අනුව ප්‍රාදේශීය සභා පනතේ 27 වන වගන්තියේ (අ) , (ආ) ජේද වලට අනුව අලුත් මංමාවත් ඉදි කිරීම හා දැනට ඇති මංමාවත් වැඩි දියුණු කිරීමට ප්‍රාදේශීය සභාවලට ඇති බලය පිලිබද සදහන් කර ඇත. ( සංවර්ධන අංශයේ ක්‍රියාත්මක සැලැස්ම ඇමුණුම 01 හි ඇත)

ප්‍රවර්ථන වර්ශයේ මාර්ග, පාලම්, බෝක්කු, ක්‍රීඩා පිටි සංවර්ධනය හා වැඩි දියුණු කිරීම සහ සභාවසතු දේපල සංවර්ධනය පිලිබද ප්‍රාදේශීය සභා පනතේ 16, 17,18,25, 27 හා 28 වගන්තිවල සදහන් කර ඇත.

තිරසර සංවර්ධනය යනු ප්‍රාදේශීය සභාව මගින් පාරසරික, සමාජීය හා ආර්ථික යන ත්‍රිත්ව මානයන් සුසංයෝජනය වු දිගුකාලීන තිරසර සමෘද්ධියක් ලබා ගැනීම  උදෙසා වු ඒකාබද්ධ ප්‍රවේශයකි.

• සංවර්ධන යෝජනා ඉදිරිපත් කිරීම
  • ප්‍රාදේශීය මාර්ග සංවර්ධනය සම්බන්ධ යෝජනා
  • ප්‍රාදේශීය කාණු සංවර්ධනය සම්බන්ධ යෝජනා
  • ප්‍රාදේශීය බෝක්කු සංවර්ධනය සම්බන්ධ යෝජනා
  • ප්‍රාදේශීය පාලම් සංවර්ධනය සම්බන්ධ යෝජනා
  • ක්‍රීඩා පිටි නඩත්තුව

මහජන පැමිණිලි

කුණු කසළ සම්බන්ධ පැමිණිලි

කුණු කසළ මාර්ගයට මුදාහරී නම් 1987 අංක 15 දරණ ප්‍රාදේශීය සභා පනතේ 65 (ඉ) වගන්ති ප්‍රකාරව වරදක් වන්නේය.

ශබ්ද දූෂණය

1987 අංක 15 දරණ ප්‍රාදේශීය සභා පනතේ කර්මාන්ත ශාලා වලින් පරිසරයට සෞඛ්‍ය තත්වයට අයහපත් වන ලෙස හානියක් සිදුවන පරිද්දෙන් පවත්වාගෙන යනු ලැබුවහොත් 1987 අංක 15 දරණ ප්‍රාදේශීය සභා පනතේ 106(1) වගන්ති ප්‍රකාරව වරදක් වන අතර 106(2) වගන්ති ප්‍රකාරව අධිකරණය වෙත යොමු කර දඩ මුදලක් අය කිරීමට බලය ඇත්තේය.

අයාලේ යන සතුන් බල්ලන් හා වෙනත් මහජන පැමිණිලි

ප්‍රාදේශී සභා බල ප්‍රදේශය තුළ අයාලේ යන ගවයන් සම්බන්ධව 1987 අංක 15 දරණ ප්‍රාදේශීය සභා පනතේ 66 වැනි වගන්ති ප්‍රකාරව කටයුතු කිරීම

වර්ෂා ජලය ස්වාභාවික ලෙස ගලා යාම අවහිර කිරීම සම්බන්ධව 1987 අංක 15 දරණ ප්‍රාදේශීය සභා පනතේ 81 වගන්ති ප්‍රකාරව වරදක් වන්නේය.

• ඉවුරු කැපීම සම්බන්ධව
• කාණු අවහිර කිරීම
• කුණු කසල, අප ජලය මාර්ගයට හෝ වෙනත් ඉඩමකට දැමීම හා හැරවීම

අනතුරුදායක ගස් සම්බන්ධව පැමිණිලි

අනතුරුදායක ගස් සම්බන්ධව 1987 අංක 15 දරණ ප්‍රාදේශීය සභා පනතේ 107(1 හා 2) වගන්ති ප්‍රකාරව කටයුතු කිරීම හා ඒ අනුව සභාව මඟින් ගස් හෝ අතු කපා බිම හෙලා ඒ සඳහා වැයවන මුදල අදාල පාර්ශවයෙන් අයකර ගැනීම

අනවසර ඉදිකිරීම් සම්බන්ධව පැමිණිලි

මාතලේ ප්‍රාදේශීය සභා සීමාව තුළ නිවසක් හෝ ගොඩනැගිල්ලක් ඉදිකිරීමේදී  නිවාස හා නගර සංවර්ධන ආඥා පනත යටතේ එම නිවස හෝ ගොඩනැගිල්ල ප්‍රාදේශීය සභාව මඟින් අනුමත කර ගත යුතු වේ. ඒසේ නොවන අවස්ථාවල අදාල අනවසර ඉදිකිරීම සම්බන්ධයෙන් ප්‍රාදේශීය සභාව මඟින් නීතිමය කටයුතු ක්‍රියාත්මක කරනු ලැබේ.

මාතලේ ප්‍රාදේශීය සභා සීමාව තුළ නිවසක් හෝ ගොඩනැගිල්ලක් ඉදිකිරීමේදී  නිවාස හා නගර සංවර්ධන ආඥා පනත යටතේ එම නිවස හෝ ගොඩනැගිල්ල ප්‍රාදේශීය සභාව මඟින් අනුමත කර ගැනිමට අදාළ ගාස්තු ගෙවා ගොඩනැගිලි අයදුම්පත්‍රයක් සභාව වෙතින් ලබාගෙන අයදුම්ත්‍රය නිසි ලෙස සම්පූර්ණ කර  පහත සඳහන් ලියකියවිලි  සමග ප්‍රාදේශීය සභාව වෙත ඉදිරිපත් කල යුතු වේ.

1. අනුමත කරන ලද පිඹුර හා එහි ඡායා පිටපත්
2. ඉහත පිඹුරට අදාළ ගොඩනැගිළි ඉදිකිරීමට අපේක්ෂිත ඉඩම් කට්ටියේ සාධන පත්‍රය

III. ගොඩනැගිළි සැළස්මේ ඡායා පිටපත් 3 ක්

1. අවශ්‍ය අවස්ථාවන් වලදී රාජ්‍ය හෝ ව්‍යවස්ථාපිත ආයතන වල නිර්දේශ ලබා ගත් ලිපිවල පිටපත්

• කුඹුරු ඉඩමක් නම් ගොවිජන සේවා දෙපාර්තමේන්තු අනුමැතිය
• ගොඩනැගිලි පර්යේෂන ආයතනයේ නිර්දේශ
• ඉහල මහවැලි සංවර්ධන අධිකාරියේ නිර්දේශ
• වන සංරක්ෂන / වන ජීවී දෙපාර්තමේන්තුවේ නිර්දේශ
• මධ්‍යම පරිසර අධිකාරියේ නිර්දේශ
• මාර්ග සංවර්ධන අධිකාරිය / පළාත් මාර්ග සංවර්ධන අධිකාරියේ නිර්දේශ
• භූ විද්‍යා හා පතල් කාර්යාංශයේ නිර්දේශය
• පුරා විද්‍යා දෙපාර්තමේන්තුවේ නිර්දේශ
• වෙරළ සංරක්ෂණ දෙපාර්තමේන්තුවේ නිර්දේශය
• පහත් බිම් සංවර්ධන මණ්ඩල නිදේශය

අනවසර ඉදිකිරීම් පිළිබඳව කටයුතු කිරීමේ කාර්ය පටිපාටිය

නෛතික විධිවිධාන

1. 1. නිවාස හා නගර සංවර්ධන ආඥා පනත (268 අධිකාරිය)
   2. 1987 අංක 15 දරන ප්‍රාදේශීය සභා පනතේ අංක 47,48 හා 49 වගන්ති

1. අනවසර ඉදි කිරීම් පිළිබඳව වාර්ථා කිරීම. (දුරකථනයෙන්, ලිපි මගින්, පෙත්සමක් මගින් සහ ක්ෂේත්‍ර පරීක්ෂන වලින්)
2. අනවසර ඉදි කිරීම් පිළිබඳව වාර්ථා වීම පිළිබඳ තොරතුරු

දුරකථනයෙන් – පැමිණිලි පොතේ

ලිපි මගින්, පෙත්සමක් – දෛනික තැපෑල සටහන් කරන ලේඛනයේ

ක්ෂේත්‍ර පරීක්ෂන – මෙමෝ පත්‍රිකාවක

සටහන් කර අංකයක් ලබා දීම

3. සභාපති / ලේකම් වෙත ඉදිරිපත් කර අනුමැතිය ලබා ගැනීම.
4. තාක්ෂණ නිලධාරී මගින් ක්ෂේත්‍ර පරීක්ෂණයක් සිදු කර වාර්ථා ලබා ගැනීම. (ඇමුණුම 01)
5. එම වාර්ථාවට දින මුද්‍රාව තැබීම.
6. එම වාර්ථාව අනවසර ඉදි කිරීම් ලේඛනයට ඇතුලත් කිරීම.
7. වාර්ථාව සභාපති / ලේකම් වෙත ඉදිරිපත් කර නියෝග ලබා ගැනීම.
8. නිවාස හා නගර සංවර්ධන ආඥා පනතේ 12(1) වගන්තිය අනුව නිවේදනයක් නිකුත් කිරීම. (සභාපතිතුමා විසින්ම අත්සන් කළ යුතුය) (ඇමුණුම 02)
9. I ඉහත 8 ජේදයෙහි සඳහන් නිවේදනයට අනුව ඉදි කිරීම් කරන තැනැත්තා හෝ ඔහුගේ නියෝජිතයා අනුමත කරන ලද සැළස්ම ඉදිරිපත් කිරීම

(අ) සැළස්ම අනුමත කළ කාල සීමාව ඉකුත් වී ඇති දැයි පරීක්ෂා කිරීම හා වලංගු කාල සීමාව ඉකුත්ව ඇත්නම් කාලය දීර්ඝ කර ගැනීමට උපදෙස් ලබා දීම (අනුමත කළ දින සිට වසර 04 ක කාලය ඉක්මවා ඇත්නම් නව අයදුම්පත්‍රයක් ඉදිරිපත් කිරීමට උපදෙස් ලබා දිය යුතුය)

(ආ) අනුමත සැළස්මට අනුව ඉදි කිරීම සිදු වේදැයි පරීක්ෂා කිරීම.

(ඇ) අනුමත සැළස්මට අනුව ඉදි කිරීම සිදු නොවන්නේ නම් ඉදි කිරීම් කටයුතු නතර කරන ලෙස දැනුම් දීම හා සංශෝධිත සැළස්මක් දින 14ක් තුළ ඉදිරිපත් කරන ලෙස දැනුම් දීම.

8. 11 ඉහත 8 ජේදයෙහි සඳහන් නිවේදනයට අනුව ඉදි කිරීම් කරන තැනැත්තා හෝ ඔහුගේ නියෝජිතයා අනුමත කරන ලද සැළස්ම ඉදිරිපත් නොකරන්නේ නම්

(අ)දැනට සිදු කරමින් පවතින ඉදි කිරීම වහාම නතර කරන ලෙස දැනුම් දීම.

(ආ) ගොඩනැගිලි අයදුම්පත්‍රයක් ඉදිරිපත් කර සැළස්ම දින 14 ක් තුළ ඉදිරිපත් කර අනුමත කර ගන්නා මෙන් දැනුම් දීම.

8. III ඉහත 8 ජේදයෙහි සඳහන් නිවේදනයට අනුව ඉදි කිරීම් කරන තැනැත්තා හෝ ඔහුගේ නියෝජිතයා ඉදිරිපත් නොවන්නේ නම් හෝ නියමිත කාලය තුළ ගොඩනැගිලි අයදුම්පත්‍රයක් ඉදිරිපත් කර සැළැස්ම අනුමත කර නොගන්නේ නම්

(අ) දැනට සිදු කරමින් පවතින ඉදි කිරීම හෝ අවසන් කර ඇති ඉදි කිරීම කඩා ඉවත් කර ගන්නා ලෙස නිවාස හා නගර සංවර්ධන ආඥා පනතේ 12(2) වගන්තිය අනුව නිවේදනයක් ලියාපදිංචි තැපෑලෙන් නිකුත් කිරීම.

අ(ආ) ඉහත (අ) ඡේදයෙහි සඳහන් කාල සීමාව තුළ කඩා ඉවත් කිරීම සිදු නොකරන්නේ නම් කඩා ඉවත් කිරීම සඳහා අධිකරණ නියෝගයක් ලබා ගැනීම.

9. අධිකරණ නියෝගය අනුව කටයුතු කිරීම.

• වීථි පහන් ක්‍රියා විරහිත වීම සම්බන්ධව පැමිණිලි
• නව වීථි පහන් සවි කරගැනීම සම්බන්ධව යෝජනා1987 අංක 15 දරණ ප්‍රාදේශීය සභා පනතේ 108 වගන්තිය අනුව “පොදු උපයෝගිතා සේවා“ විථි පහන් නඩත්තුව සම්බන්ධයෙන් සේවාවන් පවත්වාගෙන යනු ලබයි.”ප්‍රාදේශිය සභාවක් විසින් ස්වාධීනව හෝ වෙන යම් පළාත් පාලන ආයතනයක හෝ යම් තැනැත්තකු සමඟ සම්බන්ධව එම ප්‍රදේශයේ වාසය කරන හෝ එහි පදිංචියට  යන තැනැත්තන්ගේ යහපත සඳහා  පහත සඳහන් පොදු උපයෝගිතා සේවාවන් අතුරින් යම් සේවාවක් පිහිටුවා පවත්වා ගෙන යනු ලැබිය හැකිය :-(අ) ජල සම්පාදනය;(ආ) වීදි, පොදු ස්ථාන සහ පොදු ගොඩනැගිලි විදුලි ආලෝක කිරීම;(ඇ) විදුලි බලය හෝ බලය සැපයිම;(ඈ) වෙළඳ පොළවල්;(ඉ) තානායම්;(ඊ) පොදු නාන ස්ථාන සහ නාන ස්ථාන;(උ) වැසිකිළි සඳහා වැසිකිළි ලෑලි නිෂ්පාදනය කොට පිරිවැය මිළට සැපයීම;(ඌ) දුප්පත් පංතිය සඳහා නිවාස පහසුකම් සැපයීම;(එ) පිහිටුවීමට, පවත්වාගෙන යෑමට හෝ සැලසීමට මේ පනතේ වෙනත් යම් විධිවිධානයකින් හෝ වෙනත්  යම් ලිඛිත නීතියක් යටතේ බලය ලැබී ඇති වෙනත් යම් ආකාරයක පොදු සේවාවක්.  ”ඒ අනුව පහත සේවාවන්ට අදාලව ඔබගේ පැමිණිලි/ යෝජනා මෙම වෙබ් අඩවියේ පැමිණිලි හා යෝජනා අංශය වෙත ගොස් ලබා දීමේ හැකියාව පවතී.

විථි පහන් අලුත්වැඩියාව -2023

• 2023/01/01/ දින සිට 2023/12/31 දින දක්වා අලුත්වැඩියාවට දැනුම්දුන් සංඛ්‍යාව 137
• සභාව විසින් 2023 වර්ෂයේ අලුත්වැඩියා කර ඇති සමස්ථ විථි පහන් සංඛ්‍යාව 445

විථි පහන් අලුත්වැඩියාව -2024

• 2024/01/01/ දින සිට 2024/06/10 දින දක්වා අලුත්වැඩියාවට දැනුම්දුන් සංඛ්‍යාව 100
• සභාව විසින් 2023 වර්ෂයේ අලුත්වැඩියා කර ඇති සමස්ථ විථි පහන් සංඛ්‍යාව 202

• ගොඩනැගිලි අයදුම්පත් අනුමත කිරීම
• ගොඩනැගිලි අයදුම්පත් සංශෝධනය කිරීම
• ගොඩනැගිලි බලපත්‍ර කාලය දීර්ඝ කිරිම
• අනුකූලතා සහතිකය නිකුත් කිරීම